TACLOBAN CITY — Nakit-an an patay nga lawas han usa nga babaye ha kabagwakan nga dapit han Brgy. Tangkaan, Padre Burgos, Southern Leyte.
An lawas han biktima in kinilala kan Loida Polvorosa Madera, 62-anyos, waray asawa ngan nag-uukoy ha Brgy. Lungsodaan, Padre Burgos, Southern Leyte.
Sumala kan PCpl. Wendel Barola, Duty Investigator han Padre Burgos Police Station, usa nga concerned citizen an nakadiskubre han nasabi nga patay nga lawas nga nakada ha masukal nga parte han mao nga baranggay kun diin nakada na ini ha state of decomposition.
Dayon naman ini ginrespondihan han mga otoridad kun diin nakumpirma han mga ini nga mayda usa nga pamilya nga nawawad-an hin kaanak.
Basar ha inisyal nga imbestigasyon, maiha na nga ginbibiling an biktima han iya mismo pamilya kun diin urhi ini nakit-an dida han Mayo 20.
Mayda ngadaw problema ha panhuna-huna an biktima ngan tigda nala ini nalakat ha ira panimalay nga deri nagsasarit ha iya pamilya.
Basar ha RHU han mao nga baranggay, maabot na ha 5 ngada 7 kaadlaw nga nagpapabilin an patay nga lawas han biktima ha mao nga lugar.
Natural death ngan waray naman nakikit-an nga foul play ha pagkamatay han nasabi nga biktima.
