TACLOBAN CITY – Waray na kinabuhi han matad-an han mga otoridad an usa nga lalaki ha may Brgy. Caghalo Carigara Leyte.
Ginkilala an biktima kan Alvin Quebec Florendo, Brgy. Quindaponan East han Carigara,Leyte.
Sumala kan PMaj. Ambrocio Demain, Chief of Police han Carigara Leyte MPS, nga subay ha ira gindumara nga imbestigasyon nga gin-imitaran an mao nga biktima han iya mga barkada agud nga umatender hin Birthday celebration, kahuman in nagkamayada an mga ine hin irignom, han tabis na an kagab-ihon nagsarit ine nga mauli matungod nga sobra na an nainom hine.
Dugang pa han mao nga opisyal, nga an area kun diin nag-inom an mga ine in harani ha may salug.
Base ha ira na-abtan nga sitwasyon han biktima, naka-kulob ine ngan waray na panapton, kun diin gintutuohan han mga otoridad nga posible nahulog ine ha ligid han salug matungod han kahubugan.
Kun diin waray naman makasabot an mga kainom hine matungod nga brown-out hadto nga oras.
Mababaaruan nga waray samad ha lawas an biktima, samtang may samad naman ine ha iya ulo nga gintutuohan nga rason han iya dayon nga kamatayon.
Waray naman nakikit-an nga foul play han mga otoridad ha mao nga panhitabo.
