TACLOBAN CITY — Nakit-an harani ha fishport ha an patay nga lawas han bag o nga panganak nga baby ha Brgy. Baybay Catarman, Northern Samar.
Sumala kan PMaj. Wilfredo Jimenez Jr., Chief of Police han Catarman MPS, basar ha kumuha han mao nga baby, nakalutaw ini ha tubig ngan mayda pa umbilical cord.
Matungod hini in dayon nakipagsumpayan an mga kapulisan ha baranggay sugadman ha Baranggay Health Workers agud panginanuon kun mayda hira record han mga nagpapacheck-up ngan harani na manganak nga burod ha ira baranggay.
Dugang pa hini nga pwede tikang ha iba nga baranggay an mao nga baby ngan gin-anod la ha nasabi nga baranggay.
Ha pagkayana in padayon an paningkamot han mga otoridad agud mabilngan an nanay nga responsable ha pag-aabandona han mao nga baby kun diin posible ini matagan hin kaangayan nga sirot ha mao nga insidente.
