TACLOBAN CITY – Pagbubuhaton an magkadurudilain nga aktibidad kasumpay ha pagserebrar han Women’s Month yana nga bulan han Marso kun diin an magigin tema yana nga tuig in “We for Gender Equality and Inclusive Society” nga may panuyuan aghaton an publiko nga mag burublig nga magkamay-ada hin gender equality o patas nga pag tagad ha sosyodad malalaki man o babaye in terms of rights, power, previliges, labor o mga oportunidad.
Sumala kan City Population Office, OIC Hedeliza Ramos, an ika-8 hiton Marso in adlaw han kababayen-an kun diin, ginseserebrar an mga kakayahan nga may ada han usa nga babaye ngan ginpapakita nga patas ngan parehas an babaye ngan lalaki.
Dugang pa hini, kaupod ha gender development program an inclusive society agud siguraduhon nga ngatanan makakabenepisyo o waray mababayaan malalaki man o babaye ha developmental process and progress ha sosyedad.
Ginsigurado ni Ramos nga mayda ginbubuhat nga programa an city government han Tacloban agud igduso an gender equality ha Syudad.
Mahitungod man gud nga basar ha datos in may-ada mga na-identipika nga gender issues nga ginkakaatubang iton mga babaye sugad han economic margenalization, teenage pregnancy, violence against women, hitaas nga kaso han STI-HIV-AIDS.
