Parupangisda nga pira kaadlaw na nga nawawara, nakit-an nga patay ha Abuyog, Leyte

Patay na han mahikit-an an usa nga purupangisda ha kadagatan han Abuyog, Leyte nga pira na kaadlaw nga nawawara.

An biktima in ginkilala kan Bienvinido Mindol, ada ha igo nga pangidaron ngan residente han Tolosa, Leyte.

Dida pa han nakalabay nga Abril 9, nakit-an an sakayan han biktima ha kadagatan han Dulag, Leyte pero nawawara la gihapon an biktima.

Kagab-i in nakit-an ini nga naglulutaw-lutaw ngan waray na kinabuhi ha kadagatan nga sakop han Abuyog, Leyte.

Ha pagkayana in padayon naman an imbestigasyon han mga otoridad bahin han mao nga insidente.