ODD NEWS- Grabe na an pagigin alcoholic ni Pundlik Chavan Akola ha Mumbai, India.
Dire hine mapugngan an iya pagkahilig ha makahurubog nga irimnon ngan para masustentuhan an iya bisyo sanglit nahuna-hunaan niya nga igbaligya an iya asawa nga hi Sangita.
An mas matindi pa in ginbaligya niya an iya asawa ha mismo sangkay niya nga hi Ganesh Walode.
Ginbaligya niya hin 25,000 Rupees an asawa kun diin ginupod ni Ganesh hi Sangita.
Pero an ginbuhat ni Pundlik in nabaruan han bugto ni Sangita ngan nagsumat ine ha mga pulis sanglit dayon naman ine nga ginaresto ngan ginpasakahan hin kaso.
Ha atobangan han mga pulis in dayon naman nga gindara panguli hi Sangita han iya bugto pero sugad nala an kalas han mga ine han yaknon ni Sangita nga dire na hiya mauli ha ira matungod nga napahigugma na daw hiya kan Ganesh tikang han paliton hiya kan Pundlik.
