METRO MANILA – Utro nga lauman ha masunod nga semana an panibag-o nga paghitaas han presyo han mga produkto han lana, sumala ha Department of Energy.
Ini in ha butnga han padayon nga waray kasiguraduhan ha wrold market kasunod han pagbalabag han Iran ha pira nga parte han Strait of Hormuz, nga kritikal nga garawsan para ha one-fifth han suplay han lana ha bug-os nga nasud.
Sumala kan Energy Sec. Sharon Garin, posible nga magkamayda la gihapon hin paghitaas ha presyo han mga oil products mahitungod nga dire pa nakalma ha pagkayana an presyo hini ha world market.
An oil price hike in may paghisumpay la gihapon ha kasamok nga natatabo ha Middle East.
Ginmaduhan na han gobyerno an mga kumpanya han lana nga igpadayon an pag-order han mga produkto han lana ha kaluyo han pagsaka han presyo hini, ngan makipag-istorya na gihapon hira ha iba nga nasud ha Asya agud masigurado nga dire mauubusan an suplay an Pilipinas.
Ginsigurado gihapon ni Sec. Garin nga damo nga option o alternatibo nga makukuhaan hin suplay han lana an nasud.
