TACLOBAN CITY– Kadugangan nga impormasyon, ginsigurado naman ni Pangulong Marcos, nga magpapatuman an gobyerno hin pitad agud nga dire madelatar an dalagan hiton mga produkto ngan kalakal, samtang ginpapailarom ha rehabilitasyon an nasabi nga tulay.
Ginpanawagan ni Pangulong Ferdinand “Bongbong” Marcos Jr. nga unahon nga makatabo an mga kargamento nga madagmit maguba, sugad hiton prutas ngan utanon.
Aminado naman an Pangulo nga posible nga humitaas an gastos ha transportasyon samtang gindudumara an paghingayad, pero nagpatapod ine nga mag-aalutaga hin bulig pinansyal para ha mga maapetaran.
Ginpirmahan gihapon ni Pangulong Marcos, an Proclamation No. 920, agud nga mapadagmit an paghingayad, matungod nga igpapailarom an Eastern Visayas ha State of Calamity ha sulod hiton usa katuig.
Ginmalatumat naman ni DPWH Secretary Manuel Bonoan nga ginpapag-istudyuhan na nira nga dugangan an San Juanico Bridge samtang padayon an rehabilitasyon, nga posible igpatuman ha urhi nga parte han tuig.
