NATIONAL–Nanawagan hi Senadro Francis “Kiko” Pangilinan nga kinhaanglan ga gumios dayon an pangobyernuhan agud nga hisgutan an katalwasan han mga Pilipino ha Middle East, mahuman an pag-atake han US ngan Israel ha Iran.
Ha usa nga pahayag, nanawagan hi Pangilinan ha mga embahada han Pilipinas ha rehiyon nga dayon nga igpatuman an crisis protocol para ha ginbabana-bana nga miyon ka Pilipino nga nagtratrabaho ngan nangungukoy ha Middle East, kalakip an purluminos usa 1,000 han Iran.
Samtang, labot la ha seguridad han mga Pilipino ha abroad, gintagan gihapon hin duon han senador an dagmit nga pagresponde ha poisble nga paghitaas han presyo hiton krudo ha nasud.
Sumala ha senador, dapat igpatuman an fuel subsidy para ha mga drivers han tricycle, jeep, ngan bus, sugad gihapon para ha mga parag-uma ngan paraupangisda nga natapod ha diesel para ha ira mga traktora nga bangka.
Dugang pa han senador nga kinahanglan gihapon an temporary nga pagsuspendi han excise tax ha diesel ngan kerosene agud nga maibanan bisan guitay la nga parte han dugang ha kabug-at ha mga konsumidor.
Ha kabutnga han dire pa sigurado nga direksyon han komosyon, nanawagan hi Pangilinan hin timprano ngan konkreto nga pitad tikang ha gobyerno, para ha katalwasan han mg apilipino abroad ngan para ha proteksyon han mga sector nga pinaka apektado han paghataas han presyo han lana.
