TACLOBAN CITY – Ginpatapod han mga organizers han Pintados-Kasadyaan Festivals of Festivals nga magigin maribhong an selebrasyon pinaagi han pagpapakita han cultural diversity ngan community spirit han probinsya han Leyte para han edisyon yana nga tuig.
Sumala kan Chairperson han Executive Commitee han Pintados-Kasadyaan Festival of Festivals ngan Palo, Leyte Mayor Remedios Petilla nga nakikipag urusturya na ini ha 40 nga mga munisipalidad ha probinsya agud maaghat nga bumulig ngan igpakita an tagsa-tagsa kultura pinaagi han mga ritual dance presentations.
“The Pintados-Kasadyaan Festival of Festivals is an opportunity to celebrate the rich cultural heritage of our province, and we are thrilled to bring it back this year,” yakan ni Petilla.
Ginpasabot gihapon hini nga imbes magdumara hin parada ha panguna nga kakarsadahan han Tacloban City, pagdudumaraun ini ha sulod han Leyte Sports Development Center o kun Grandstand agud daw nga makaghatag hin mas maupay ngan kontrolado nga environment para han selebrasyon.
Nahimugso an Pintados-Kasadyaan Festivals of Festivals agud nga igpakita an riko nga kultura han probinsya ngan sugad man ngan mas mapadurudig-on an koneksyon han kada munisipalidad nga kun diin, humagos an pira katuig in dumako na ini nga nakapag aghat hin yinukot-yukot nga mga turista ngan mga partisipante ha iba pa nga dapit han Pilipinas.
Nakatalaan pagdumaraon an festival ha June 27, 2025.
