NATIONAL – Gin malatumat ni Commission on Elections Chairman (COMELEC) George Erwin Garcia nga igdadayun la gihap nira an ira pangandaman para ha 2025 Barangay and Sangguniang Kabataan Elections (BSKE).
An nasabi nga pahayag ni Garcia in mahuman na pag-apruba ha 3rd ngan final reading ha House of Representatives han House Bill 11287 o an pagbag-o ha term of office han Barangay ngan SK Officials, tikang ha tulo katuig, magigin unom katuig na ine.
Dugang pa hine, maaram an komisyon ha mga developments tikang ha Kamara ngan padayon nira nga huhulaton an bersyon han balaod tikang ha Senado.
Ha kamatuuran, nagtikang nada hira mag-procure han mga kagamitan para ha Barangay and Sangguniang Kabataan Elections sugad han mga indellible inks ngan mga ballot boxes.
Sumala pa kan Garcia, samtang dire pag nagtitikang an pag-iimprenta han balota, dire pa naman ine makakaapekto ha gastos han poll body. Ine manggud an may pinakadako nga budget nga gin aalutagaan han COMELEC.
Pag sigurado pa hine nga bisan kun nagpapadayon pa an anuman nga developments ha Kamara o Senado, dayun la gihapon an ira pangandaman.
Samtang, gin anunsyo gihapon ni Garcia nga madadayon la gihapon an General Voters Registration ha Hulyo 1 kutob Hulyo 11, in kaso mag ig delay an BSKE.
Ine in agud masigurado nga mayda la gihapon makakagparehistro nga mga Pilipino yana nga tuig.
