NATIONAL – Maiko-konsidera nga usa nga “treasonous” o pagta-traydor an panagawan ni anay Presidential Spokesperson Harry Roque para ha people power para mapatalksik ha pwesto hi Presidente Ferdinand Marcos Jr., sumala kan House Committee on Human Rights Chairman Manila 6th district Rep. Bienvenido “Benny” Abante Jr.
Sumala ha beterano nga magbabalaod, dire ine maupay mahitungod nga nanawagan na daw hi Roque para ha people power agud mapatalsik an presente nga administrasyon.
Manunumduman nga kadungan han gindumara nga rally han KOJC members ha Liwasang Bonifacio ha Manila in nanawagan hi Roque para ha people power.
Syahan na gudman nga na-cite in contempt hi Roque dida han nakalabay nga semana ngan ginpreso ha House of Representatives ha sulod han 24 ka-oras mahuman nga magbuwa para maka-absent ha pag-atender ha nakalabay nga pagdungog han Quad committee nga nag-iimbestiga ha krimen may paghisumpay ha Philippine Offshore Gaming Operators (POGO), illegal drugs, ngan extrajudicial killings ha ilarom han nakalabay nga administrasyon ni anay Pangulong Rodrigo Duterte.
