SAN JOSE, TACLOBAN CITY – Kipi an usa nga pampasaheros nga van mahuman nga bumunggo ha poste hin street light tikadto ha may Tacloban Daniel Z. Romualdez Airport, kakulop han banda pasado alas-12 han udto.
Sumala kan Tacloban City Police Office City Affairs & Development Unit Head, PLt.Col. Allan Camasin, ada ha 11 an sakay han nasabi nga van kaupod an driver, kun diin usa ha mga ine an dead-on the-spot, ngan gindara naman ha hospital an napulo.
Nagbibiyahe an nasabi nga van tikang ha Ormoc City ngan nagdudul-ong hin pasaheros ha airport han mahitabo an disgrasya.
Sumala han mga nakakita, malaksi an padalagan han van kun diin hadto nga mga orason in makusog gihapon an uran resulta han madalunot nga karsada.
Mahitungod han kadalunot han karsada ngan kalaksi na gihapon han padalagan in bumunggo ine ha usa nga poste kun diin mahitungod han kakusog han impact han pagbunggo in lumatos pagawas an pira nga pasaheros ngan lumusot ha luyo han sarakyan an usa nga babaye nga dead-on the-spot.
Kalakip naman ha mga sakay an usa nga 3-anyos nga bata nakatalwas ha disgrasya.
Gin dara naman an mga biktima kaupod an driver ha hospital kun diin duha mga ine in ada ha kritikal nga kabutang.
Papasakahan naman an driver han van hin kaso nga Reckless Imprudence Resulting to Homicide and Multiple Physical Injury and Damage to Property.
Samtang, papalusaran naman hin preventive suspension order han Land Transportation Francise and Regulatory Board (LTFRB) VIII an operator han nasabi pampasaheros nga van.
