TACLOBAN CITY – Naghatag hin Tagsa-tagsa nga pakikisubo an mga Taga Sinirangan Bisayas kasumpay han pagkamatay han pinakagutiay nga Tawo ha Probinsya han Leyte nga hi Dante Varona.
Maoobserbahan ha Social Media in naghurak an posts bahin han paghatag hin pag-ampo ngan Condolence ha Pamilya Varona.
Sumala kan Riolee Escuadra, Taga Tacloban, nga usa ha diri niya mangangalimtan nga sangkay hi Dante tungod nga ha luyo han iya kondisyon in usa naman ini nga positibo ngan Malipayun pirmi nga tawo.
Pira pa nga mga Katawhan in nagshare hin mga litrato nga kaupod hi Dante an samtang nabubuhi pa ini.
Manunumduman nga dida han nakalabay nga Hulyo 2 han Tumalikod ha Kadayunan hi Dante ha edad nga 23 anyos tungod han tigdaay la nga panluya.
Sumala naman han pamilya ni Dante nahipausa nala hira han tigdaay nga sakit han ira anak.
Hi Dante Varona, nga mayda kahitas nga 27 Inches o sobra 2 ka ruler in naging kilala tungod han kangaran niya nga Artista ngan direktor.
