TACLOBAN CITY – Nagbunga daw hin maupay na resulta an tanan nga mga preparasyon ngan paningkamot na guinbuhat han delegasyon han Ormoc City.
Ini in mahuman na guindeklara an pagiging overall champion ha guindumara na Eastern Visayas Regional Athletic Association (EVRAA) 2018 kun diin nakag-uli ini hin 109 na gold, 56 na silver ngan 74 na bronze medals.
Sumala kan Ormoc City Mayor Richard Gomez na guin andaman nira an mao na sports event kun diin guinsigurado nira na mahatag ha delegasyon an mga ekipahe, gamit han mga athleta ngan sugad man an sadang na training.
Dugang pa ni Mayor Gomez, na dako na buli an ira pakipagsumpayan ha mga national teams para ha training han mga athleta.
Napakadako daw ini na dungog han bug-os na Ormoc mahitungod na ini an syahan na higayon na nakab-ot han mao na syudad an championship ha EVRAA Meet.
Nagpasalamat guihapon ini ha mga kag-anak han mga athleta na sumuporta han ira mga anak para na mao na kompetisyon.
An kaparte an pamahayag ni Ormoc City Mayor Richard Gomez
Samtang, guinsiguro naman han mao na opisyal na igpapadayon han ira delegasyon an ira natikangan hilabi na an paghatag hin pagtagad ha mga talento han mga kabataan ha larangan han sports.
