Malipayon nga ginkarawat han Department of Justice an pagkakatudlok kan Atty. Melvin Matibag kumo bag-o nga hepe han National Bureau of Investigation.
Sumala mismo kan Justice Spokesperson Atty. Polo Martinez, welcome ha ira an appointment kan Matibag agud pagmanguluhan an buhatan.
Sanglit hin ginsigurado hini an pagkikigbinulay han buhatan ha bag-o nga direktor han ahensya kadungan han bag-o nga liderato hini.
Kasunod an pahayag han gin anunsyo han palasyo han Malakanyang nga an nasabi nga abogado an napili agud pagmanguluhan an buhatan.
Sasaliwanan ni Atty. Matibag hi outgoing NBI Acting Director Angelito Magno nga sumaliwan kan former NBI Chief Jaime Santiago dida han Disyembre 2025.
Hi Atty. Melvin Matibag in manunumduman nga nagserbi kumo ‘cabinet secretary’ han nakalabay nga administrasyon Duterte ngan secretary general magin han Partido Demokratiko Pilipino o PDP-Laban.
Pero ha kaluyo hini, gintudlok hiya agud magserbi kumo bag-o nga direktor han National Bureau of Investigation—an nangunguna ha pag-iimbestiga ngan pagkapot han dagko nga mga kaso sugad han flood control.
