NATIONAL NEWS– Ginbalabgan hiton mga abogado nga naghaon hin petisyon ha Korte Suprema nga dire pwede nga tumabok an impeachment trial kontra kan Vice President Sara Duterte ha 20th congress.
Ine an nagin pahayag han nasabi nga mga abogado ha pangunguna ni Atty. Israelito Torreon.
Sumala ha iya, dire pwede nga tumabok an proseso han paghukom ha masunod nga kongreso matungod nga ginsusunod hine an ‘legislative discontinuity’.
Na-ngangaruyag sidngon tanan nga nakabinbin nga proceedings ha kongreso in magpapabilin.
Mababaruan, hi Atty. Israelito Torreon, in kalakip ha pira mga mga abogado, nga naghaon hin kadugangan nga petisyon ha Korte Suprema agud nga pugngan an ‘impeachment’ kontra kan VP Sara.
Ginsumiter han mga ine an ‘supplemental petition’ ngan ginlatag an 3 nga punto han pagtalapas ha konstitusyon kasumpay han pagpadayon hiton impeachment trial.
Dugang pa han nasabi nga abogado, an pagtabok han ‘impeachment’ ha panibag-o nga kongreso in pagtalapas gihapon ha mga aludayday hiton Senado.
