-- Advertisements --
TACLOBAN CITY – Waray bayad o libre iton pagsulod ha amusement park nga nakabutang ha Leyte Park ine in kasumpay han tiarabot nga kapatrunan hiton syudad.
Sumala kan Romnick Credo, Collector hiton BNHW Traveling Amusement nga nakabutang ha Leyte Park, libre la an pagsulod pero may bayad na an mga rides kun karuyag han mga bisita nga sumakay.
Mahugot naman nga igindidire an pagpasulod han mga naka-inom, bisan anu nga klase hin hinganiban, ngan an ilegal nga droga.
Igindidire gihapon an pagsakay ha ferris wheel han mga burod ngan may sakit ha kasing-kasing, sugadman an mga mahihinay an dughan.
Ada naman ha P50 ngada ha P75 an presyo han ticket han mga rides nga pwede masakyan han mga bisita.
