Umatubang dida han Miyerkules, Setyembre 16, 2026, hi anay Presidente Rodrigo Duterte ha ikatulo nga status conference han iya kaso nga crimes against humanity ha International Criminal Court ha The Hague, Netherlands.
Ini an siyahan nga pagpakita han 81-years old nga anay presidente mahumann an sobra usa ka-tuig tikang han urhi hiya nakit-an ha pamamaagi han video link han hadton Marso 2025.
Umatubang an anay presidente ha court room mahuman klaruhon ni Presiding Judge Joanna Korner han ICC Trial Chamber III nga ginlalauman han korte an iya personal nga presensiya mahuman igsumite han mga medical expersts an iya evaluation report.
Nakatutok an gindumara nga pagdungog ha pagpapatuman han mga timetable para ha pag-aatubang han mga testigo, balyuay han ebidensya ha magkalain nga kampo, ngan mga uri nga pangandaman ugsa an pormal nga pagtitikang han trial nga nakataan naman ha Nobyembre 30 yana nga tuig.
