TACLOBAN CITY – Ha usa nga surat tikang ha National Grid Corporation of the Philippines (NGCP) nga ginpadara ha Leyte II Electric Cooperative (LEYECO II), in ginkumpirmar hini an natabo nga power outage ha tanan nga coverage area han mao nga electric cooperative dida han Biyernes, Marso 14, 2025 nga kun diin, kadungan ini han natatabo naman nga pressconference para han mga kandidato pagka Senador han administrasyon Marcos.
Ha surat in yakan han NGCP nga an rason in “THE PULLING ROPE FOR THE STACIR CONDUCTOR FROM STR. #72-3D TO STR. #73-3T OF THEIR CONTRACTOR ACCIDENTALLY SNAPPED AT THE SPLICED PORTION WHICH CAUSED THE SWIVEL EYE TO SWING TOWARDS THE PHASE A CONDUCTOR LOCATED AT BRGY. DIIT, TACLOBAN CITY.”
Nagtikang an brownout 3:06 kutob naman dida han 3:30 han kulop nga nakaapekto ha mga lugar han Babatngon, Palo ngan Tacloban City.
An kuryente in natikang ha mga power plant nga mapakadto ha Step-up transformer tikadto ha Transmission Tower, tikadto naman ha substation nga kun diin, responsibilidad ini han NGCP, kutob ha panibag-o nanaman nga substation han mga electric cooperative tikadto naman ha distribution transformer hasta umabot ha mga tagsa-tagsa panimalay.
Ha usa pa naman nga surat nga iginpadara han NGCP tikadto ha LEYECO II, in nagpapasabot hini nga magkakaada pa hin mga serye han brownouts ha Marso 30 (Sunday), Abril 12 (Saturday), Abril 19 (Saturday), ngan Abril 27 (Sunday) mahitungod daw nga kumo pangandaman para han summer season ngan an piniliay 2025.
“In compliance to NGCP’s top management instruction and in line with NGCP’s commitment for reliable and uninterrupted power delivery during the 2025 summer season and National Midterm Elections..” surat nga ginpadara han NGCP.
