TACLOBAN CITY — Igintutugot na ha mga mamaralit o namemerkado ha Tacloban Supermarket an pagparada han tagsa sarakyan ha sulod han Fish Port.
Nakit-an manggud basar ha volume han mga mamaralit in nakakag-kawsa ini ha trapiko ha sulod han merkado labi na ha aga ngan ha kulop.
Sumala kan Carlos Dave Castello, OIC han Tacloban City Fish Port, matungod ha mao nga problema in nahuna-hunaan nira nga igbalik an dati nga paggamit han merkado dida han nakalabay nga Disyembre.
Makakaupay ngadaw ini para hiton kahapsay han merkado labi na ha mga namemerkado nga makakagbaktas na ha kaangayan nga aragian nga waray mga behikulo nga nakakabalaong.
Ginmalatumat pa han mao nga opisyal nga makakabulig an mao nga pitad agud mas humaluag pa an espasyo han kalsada labi na kun maabot an rush hour.
