TACLOBAN CITY – Ginpahibaro han Philippine Red Cross PRC-Leyte Chapter, nga mayda la 2 nga Blood Center an bug-os nga rehiyon, ine in nahihimutang ha Ormoc City, ngan an usa naman in aanhi ha Tacloban City.
Sumala kan Erickson Feliciano Alarcon, Officer In-charge han Philippine Red Cross – Leyte Chapter, nga dako an bulig han Blood Center ha usa nga lugar, matungod nga an mga blood samples nga kinahanglan ig test, in dire na kinahanglan pa nga igpadara ha Ormoc City agud nga ipailarom ha test.
Dugang pa ni Alarcon, nga kinahanglan mangud nga igpailarom anay ha examinasyon an dugo nga ginkukuha o mga donasyon ugsa nga igsalin ine ha pasyente nga agud nga masigurado nga talwas ine ha kadelikaduhan.
Ha lain nga bahin, ginpaangbit naman hine nga an pwede la nga kuhaon ha usa nga indibidwal nga mag dodonar hiton dugo in 450Cc, kun diin baga-baga la ine hin usa kabaso hiton tubig.
Ginpahibaro gihapon han mao nga ahensya nga PRC-Leyte Chapter, nga mayda maabot 7 nga sangay o branches kun diin 3 ha Samar samtang 4 naman dinhe ha Leyte.
