TACLOBAN CITY – Abuyon an Department of Education Tacloban City Dvision, kasumpay ha pitad nga pagdoble han leave credits han mga magturutdo ha pampubliko nga eskwelahan.
Sumala kan DepEd Tacloban City Information Officer, Dr. Nilo Eder, an mao nga pagdoble han leave credits tikang ha 15 ka-diyas ngada ha 30 ka-diyas in kaparte han ginpalusad nga DepEd Order No. 13, Series of 2024, nga ginpirmahan ni
Education Sec. Sonny Angara nga kun diin, ini in agud malikayan han mga magturutdo nga maibanan an ira sweldo tungod han ira pag-leave.
Dugang pa ni Dr. Eder, nga ini nga mao nga pitad in makakabulig agud maka-atender iton mga magturutdo nga mapartisipar ha mga training sessions ngan iba pa nga mga aktibidad maypaghisumapay ha edukasyon nga gawas hiton ira opisyal nga oras han pagtra-trabaho ngan iton mga mayda rason medikal.
Samtang, ini naman nga vacation credits in para ha mga magturtudo nga nagseserbisyo na hin sobra usa-ka tuig ngan ini gihapon in usa nga tinuig nga non-monetary benefit.
