Gin aghat ni Senator Imee Marcos an LandBank nga tagan hin konsiderasyon an mga parag-uma nga mayda utang ha ira.
Sobra-kulang 2,000 nga gudti nga mga parag-uma an naninilikado nga mawarayan hin tuna nga gin-uuma mahitungod ha pagkakautang ha LandBank mahuman malugi resulta han hamubo nga presyo han humay.
Nahibaruan nga waray tuguti han LandBank an gin-aaro nga palugit ngan loan reconstructing han mga parag-uma.
Ginmalatumat ni Sen. Marcos nga dire naman gin aaro han mga parag-uma nga ig-zero an ira pagkakautang kundi kinahanglan la han mga parag-uma hin palugit ngan loan reconstructing agud makabayad hira ha ira obligasyon.
Iginduon pa han senadora nga kumo bangko han gobyerno, angay la nga magpakita an LandBank hin mas dako nga konsiderasyon ha mga parag-uma pinaagi han loan reconstructing ngan iba pa nga mekanismo nga makakabulig agud dire hira mawarayan hin tuna ngan pakabuhi.
