Natuod an Malakanyang nga subay ha ebidensya ngan dire ha politika an kaso nga plunder ngan graft nga ginpasaka kontra kan Senador Rodante Marcoleta.
Ha press conference hini ha Vancouver, ginmalatumat ni Palace Press Officer Undersecretary Claire Castro nga mayda higayon hi Marcoleta nga depensahan an iya kalugaringon sa sakto nga proseso han balaod, samtang trabaho han gobyerno nga lanaton an hin-o man nga mayda sakto nga ebidensya ha korapsyon.
Dugang pa, klaro an polisiya ni Presidente Ferdinand Marcos Jr. nga papagbatunon an ngatanan han dabi ha korapsyon, anuman an ira posisyon.
Igindiwara gihapon han Palasyo an alegasyon nga selective justice, ngan ginmalatumat nga nakasurat ha resolusyon han Ombudsman an mga basaranan ngan ebidensya nga ginamit ha pagpapasaka hin kaso.
Dugang pa ni Castro, dire napabantad an gobyerno ha anuman nga pressure o protesta.
Trabaho han mga imbestigador ngan huwes nga tumanon an ira trabaho agud mapagbaton an hin-o man nga mapapamatud-an nga nagsayop.
