TACLOBAN CITY– Nanawagan an alkalde han Tacloban City ha mga kag-anak nga pukusan an pagdedesiplina han ira mga anak kanit ine ha natabo ha San Jose National High School.
Sumala kan Tacloban City Mayor Alfred Romualdez, dire trabaho han gobyerno an pagdesiplina han mga kabataan, sanglit kinahanglan nga tutukan han mga kag-anak an pag didisiplina ngan pagpapadako han ira mga anak.
Dugang pa ni Romualdez, ginhimo na hiton mga law enforcers an tanan agud nga mahibaruan an tumong han panhitabo.
Ginpatapod naman hine, nga bug-os an suporta han lokal nga panggobyernohan han Tacloban ha pagpapatuman han mas mahugot nga security protocol para ha seguridad han mga estudyante ngan school personnel.
Una na hine an plano nga pagbubutang hin metal detectors ha kada masulod ha ekswelahan partikular na ha San Jose National High School.
