METRO MANILA – Nagsumite hin petisyon ha Korte Suprema an pira nga abogado ngan indibidwal ha pangunguna ni Atty. Israelito Torreon kontra ha Committee on Justice han House of Representatives.
Ira ginkwe-kwestyon an legalidad o pagigin naabuyon ha konstitusyon an ginbubuhat nga pagdungog o pagproseso ha impeachment kontra kan Vice President Sara Duterte.
Partikular na nga ginsumite nira Atty. Torreon, Atty. Martin Delgra III, Atty. Victor Rodriguez ngan iba pa an ‘petition for certiorari and prohibition’ kalakip na an hangyo nga mag-isyu an Korte Suprema hin Temporary Restraining Order.
Karuyag nira matagan hin pagklaro ha Korte Suprema kun posible pa nga igpadayon han komite an pagdungog ha mga reklamo nga impeachment kontra ha bise presidente.
Samtang ginsumite an petisyon ha Korte Suprema ha pamamaagi han “online submission o e-filing” ha website han hukmanan.
