TACLOBAN CITY–Iginkalipay han pira ka negosyante an pagbisita ni Department fo publci Works and Highways Secretary Vince Dizon agud nga kitaon an kabutang han mga karsada ha National Maharlika Highway, yana nga adlaw, ika 2 han Pebrero.
Sumala kan Regional Governor Philippine Chamber of Commerce and Industry, Eugene Tan, dako nga bulig nga ma-iinspeksyon ni Dizon an National Highway para dyon ini igpa-ayad ha dagmit nga panahon.
Dugang pa ni Tan, hiya mismo an naka-eksperyensya kun anu kakuri an umagi ha nasabi nga karsada ha Samar area, kun diin dako nga problema ini ha pira ka mga commuters ngan mga namamasaheros nga sarakyan.
Gintagan gihapon ini hin duon kumo usa nga negosyante, nga nakaka-apekto ini ha pan adlaw-adlaw nga biyahe han mga namamasahero mahitungod nga nawawarayan na hira hin oras ngan naruruba an ira mga sarakyan nga posible nga madugangan an ira maintenance cost.
Mababaruan nga damo na nga motorista, commuters, ngan pira ka mga residente an nagrereklamo mahitungod ha buho-buho nga kalsada ha ira gin-aagian kada adlaw.
Sanglit, naglalaom an mga negosyante nga maayad na an karsada ha Samar area, mahitungod nga dinhi naagi an ngatanan nga logistics nga gindadara ha Tacloban ngan Leyte.
Nagsuhestyon naman ini nga ha oras nga aydon an kalsada ha National Maharlika Highway, insiguraduhon na dire ini manipis, ngan gin-dagmit, agud nga dire dayon maruba, ngan gamiton an pondo ha pagpalit hin mga standard materials ngan dire an mga baratohon, mahitungod ha masunod nga panahon in ngatanan naman an makakabenepisyo
