TACLOBAN CITY – Hingyap han pira na molupyo ha syudad han Tacloban na unta igbalik an two way na paggamit han mga kakalsadahan hanTacloban.
Sumala kan Mano Rudy na residente han Tacloban na angay gud la igbalik an nahiuna na skema ha paggamit han kakalsadahan tarihas han presente na traffic scheme na guinpapatuman.
Dugang pa ni Mano Rudy na mahitungod han one way scheme, napipiritan na daw la an pashero na magpasahe hin doble mahitungod han kakalsadahan na kinahanglan pa na libuton para la mahingadto ha destinasyon na lugar.
Guinduon pa hini na pinaagi han one way scheme in diri nadidisiplina an mga nagtatag-iya hin sarakyan mahitungod na guinhihimo na parking area an ligid han mga kakalsadahan
Mababaruan na nagpapadayon pa an pangandaman han mga otoridad han guinlalauman na panibag-o na skema han trapiko ha syudad han Tacloban mahuman na guinpailarom ini hin halawig daw na pag-studyo han mga eksperto.
