NATIONAL NEWS – Suportado ni President Ferdinand Marcos Jr. an Blue Economy Act nga may panuyuan nga proteheran an yamang-dagat han nasud, samtang ginpapakusog an pakabuhi han mga parupangisda ngan ginpaparig-on an mga komunidad ha climate change.
Sumala kan Palace Press Officer Claire Castro, dire babalabgan han pangulo an mga pitad agud ha ikakaupay han karibungan ngan han mga parupangisda.
Manunumduman utro nga nagpasaka hira Senator Loren Legarda ngan Risa Hontiveros an balaudnon nga may panuyuan nga igduso an usa nga pan nasud nga balaudnon para ha blue economy, nga usa nga modelo han pagribhong nga nakabase ha responsable nga paggamit han yamang-dagat para ha pan-ihaan nga benepisyo han nasud.
Dida han Agosto 2024, ginapurbaran na han Senado ha ikatulo ngan punal nga pagbasa an Senate Bill No. 2450 nga magtitindog unta hin blue economy framework pero warya ini naratipikahan an ginpantampo nga bersyon han Senado ngan Kamara ha 19th Congress.
Sumala ha Presidential Communications Office, gintutudlok han mga mambabalaud an Blue Economy Act kumo usa nga landmark legislation nga maghahatag hin klaro nga direksyon ha paggamit han yamang-dagat ngan para parig-unon pa an Philippine maritime rights.
