NATIONAL NEWS– An International Criminal Court an magdedesisyon kun tutugutan nga umole hi anay Pangulong Rodrigo Duterte nga napreso ha The Hague, Netherlands kasumpay ha ginkaka-atubang hine nga crimes against humanity.
Ine an nagin pamahayag ni House Deputy Majority Leader Paolo Ortega V han La Union han paki-anhan ine kasumpay ha nasabi nga himangrawon.
Ginpahayag ni Vice President Sara Duterte, nga karuyag umole han iya tatay, matungod nga lagas na ien ngan kun mamatay ine in karuyag niya nga mamatay hiya ha Pilipinas.
Subay kan Ortega, ha kaluyo nga damo iton karuyag makabalik hi Duterte, an ICC la an makakagdesisyon hiton ngatanan.
Manunumduman, gin-aresti an anay Pangulo hadton Marso 11, subay ha usa nga warrant tikang ha ICC para ha mga kaso nga crimes against humanity kasumpay ha iya war on drugs.
