Gintugutan han Department of Agriculture (DA) an pagpasulod han 250,000 metriko tonelada nga imported nga isda kutob Oktubre o Nobymebre, imbes nga ha Agosto, mahitungod nga nagpapabilin nga suprisyente an suplay han isda ha nasud ngan madig-on an presyo han mga produkto nga ha dagat.
Sumala kan Agriculture Secretary Francisco Tiu Laurel Jr., humilaba an panahon han pangingisda mahitungod ha mas mamara nga kondisyon durot han El Niño, sanglit dire pa kinahanglan an dayun nga pag-aangkat. Pagdudumaraon la an importasyon kadugangan han pagtitikang han closed fishing season agud masigurado nga mayda suprisyente nga suplay ha merkado.
Ha ilarom han ginpagawas nga Certificate of Necessity to Import (CNI), tutugutan an pag-aangkat han magkadiru-dilain nga klase hin isda ngan laman-dagat, kun diin 80% han imported supplay in ig aalutaga ha commercial sector samtang an 20% naman in mahingangadto ha mga asosasyon ngan kooperatiba. May-ada gihapon 10,000 metriko tonelada nga nakaalutaga para ha programa nga Kadiwa han gobyerno.
Iginpapatuman han gobyerno an closed fishing season tikang Nobyembre kutob Pebrero agud mabutangan hin higayon nga dumamo an populasyon han mga isda ha ira panahon han pamunay.
Ha nasabi nga panahon, naglalaum an nasud ha imported nga isda agud mapabilin an suplay ngan malikayan an paghitaas han presyo ha merkado.
