TACLOBAN CITY– Ginpaangbit hiton pira nga negosyante han syudad nga bisan man ginpahamub-an na an taripa han imported nga bugas ha bug-os nga nasud, in dire la gihapon ine na-aabat ha Sinirangan Bisayas.
Sumala kan Fredirick Dy, President Grain Retailers Confideration Eastern Visayas, mas humitaas lugod yana an presyo hiton mga imported nga bugas kompara han local rice.
Ginmalatumat hine, nga an nasabi nga paghitaas in ha kaluyo nga direkta nakakapag suplay hin bugas an Vietnam dinhi ha Eastern Visayas.
Dugang pa hine, ha pagkyana in harvest season pero hitaas la gihapon an presyo hiton local rice, kun diin napapalit an humay hin tag P23 kada kilo, ine na an pinaka hitaas nga presyo hiton humay.
Naglalaom naman an nasabi nga negoyante nga kun magkamayda na hin himurasak hiton humay, in magakamayda na hin paghamubo hiton presyo hiton humay.
Ginpaangbit hine nga ha pagkayana, nadalagan an presyo han local rice ha P2,300-P2,350 an kada sakto, samtang ada naman ha P2, 380- P2,400, an kada sako hiton imported nga bugas.
