TACLOBAN CITY – Gintitikangan na han mga eskwelahan an hinay-hinay nga pag balik ha nakahiaraan nga school calender ugsa an pandemic kasumpay ha ginpalusad nga DepEd Order No.3 series of 2024 nga may panuyuan nga igbalik ha April-May iton school break.
Sumala kan Jasmin Francisco-Calzita, Information Officer han Department of Education Regional Office Vlll, basar ha nasabi nga kamaduhan, mahuhuman iton school year yana nga Mayo 31, 2024 nga kun diin, kinahanglan nga magbuhat iton mga eskwelahan hiton ira mga “end-of-school-year rites” ha Mayo 29-31, mahitungod nga iton school break in nakatalaan mga magtikang ha bulan hiton Hunyo 1 ngada hiton Hulyo 26.
Nakasurat gihapon ha kamanduhan nga dire pwede maghatag hiton eskwelahan hin bisan ano nga mga assignments ha mga magturutdo ha bug-os nga bulan hiton Hunyo agud nga makag-adjust an mga ine.
Dugang pa ni Calzita, naghihinay-hinay na hira nga magpatuman hin transisyon agud nga pag-abot hiton 2026, in makab-ot nira an hingyap hine nga kamanduan.
Manunumduman nga siyahan nga ginmalatumat han Department of Education nga maaabtan hin tulo-ka tuig agud nga makabalik ha April-May nga school calender.
Samtang, kasumpay naman hine, matikang liwat an SY 2024-2025 ha July 29, 2024 ngan mahuhuman naman ha Mayo 16, 2025.
