TACLOBAN CITY – Ginduduso han City Agriculture Office han syudad an pag-aram han agrikultura ha mga kabatan-unan.
Sumala kan Romelo Anade, Head han City Agriculture Office han Tacloban City, mahitungod nga guti nala daw an mga nagkakainteres yana han pag-uma ngan adton mga parag-uma daw ha pagkayana in mga idaran na ngan dire na akos nga makapagtrabaho hin malaksi.
Dugang pa han mao nga opisyal nga dire la matugnod ha pagpinanharas ngan pagpinan-giho an pag-uma matungod nga mayda ine dako nga papel ha kinabuhi hiton usa nga indibidwal ha syudad ngan magin ha bug-os nga nasod.
Ginmalatumat pa ni Anade nga an parag-uma yana nga panahon in dire na kaparehos kakuti han nakalabay nga mga panahon matungod nga mayda na makabag-o nga mga higamit hiton pag-uma nga makakabulig agud nga mapadagmit an trabaho.
Gin-aghat naman ine an mga estudyante nga mag-aram parte ha agrikultura agud nga makabulig ha ekonomiya ngan sugadman ha bug-os nga nasod.
