“Total failure” para ha parte han prosecution an presentasyon han depensa ni VP Sara kasunod han pag-atubang han ira siyahan nga testigo nga hi Davao City Assessor Engr. Jaime Adalin nga waray direkta nga baton ha mga pakiana han prosecution ngan ginlikayan an importante nga isyu nga kinahanglan dig-unan ha korte.
Sumala kan Prosecution Spokesperson ngan anay Surigao del Norte Rep. Robert Ace Barbers, ha mga nagin baton ni Adalin, ginpapakita la han testigo ngan depensa nga dire maruruba an bug-at han ebidensya nga ginpresenta han Prosecution kontra kan VP Sara may paghisumpay ha unexplained wealth allegations.
Basar ha nagin assessment han Prosecution usa nga weak witness an ginpresenta han depensa ngan mayda gihapon selective amnesia.
Ginmalatumat ni Barbers nga posible makasuhan hin perjury an mga testigo han depensa kun dire makatuoran an ira yayaknon ha korte.
