Tulo nga barko nga pankarga han lana an bumuto ngan nasunog dida han Dominggo samtang naagi ha Strait of Hormuz, sumala ha Islamic Revolutionary Guard Corps han Iran.
Ha pahayag han IRGC, ginmalatumat hini nga umagi an mga tanker ha ruta nga dire gintutugotan han Iran. Sugadman, waray ginpaangbit han grupo an ngaran ngan nasud nga gintikangan han mga barko.
Sumala naman ha usa nga British maritime agency nga usa nga tanker an nasunog dida han Sabado ha parte han Strait of Hormuz, harani ha Khasab, Oman rason agud ig-ebakwit an mga tripulante hini. Naigo gihapon hin waray pa matudlok nga butang an usa pa nga nga tanker.
Samtang, nahipatik han state media han United Arab Emirates nga 22 ka-tawo an natalwas tikang ha nasusunog nga barko ha Gulf of Oman ngan aada ha maupay nga kabutangan an mga ini. Dire pa nakukumpirma kun magkabulag o may koneksyon an mga insidente nga nahipatik.