TACLOBAN CITY – Maabot ha P55M an kantidad han gin-aaligar nga shabu nga natad-an ha Purok 7, Barangay San Roque, San Isidro, Northern Samar.
Basar hiton imbestigasyon, natad-an an nasabi nga ilegal nga droga han usa nga residente han nasabi nga barangay, ha usa nga abandonado nga payag nga hirani ha ira panimalay kun diin, dayon naman hini nga ginreport ha mga otoridad.
Nadiskubrehan ha sulod han sako an unom nga plastic bags kun diin nakasulod an mga gin-aaligar nga shabu. Aada naman ha kabug-aton nga 8.1 kilos an mga ini ngan nagkakantidad hin maabot P55.080,000.
Gin turn over naman naman ini nga ilegal nga droga ha Samar Police Provincial Office Forensic Unit para ha kadugangan nga eksaminasyon.
Samtang, ginbibiling na hapagkayana han mga kapulisan an suspek nga nagtatag-iya han mao nga illegal nga droga.
