TACLOBAN CITY – Nagin malinampuson an pandispose han mga otoridad han Philippine Drug Enfrocement Agency 8 han maabot sobra P400M nga kantidad han iligal nga droga dida han nakalabay nga adlaw.
Sumala kan PDEA Regional Office 8 Information Office, Rogelette Urgel nga aada ha kabug-usan nga 58,930.0371 ka-gramo han Methamphetamine Hydrochloride o shabu nga mayda market value nga P400,724,252 an nadispose han ira buhatan kaupod an 0.1123 ka-gramo han marijuana nga mayda naman market value nga P13,486.
Labot la han mga iligal nga droga, gindispose gihapon nira an maabot P9,871 nga magkadurudilain nga klase hiton expired nga medisina.
Gindumara an nasabi nga pandestruso han mga otoridad kaupod an mga magkadurudilain nga representante han gobyerno ngan media kumo witness ha thermal facility, Heaven’s Gateway Chapel, Brgy. Campetic, Palo, Leyte.
Samtang ini naman an siyahan nga pandispose han PDEA 8 ha mga iligal nga droga para yana nga presente nga tuig 2025.
