TACLOBAN CITY – Ginkarawat ni Paris Olympics 2024 Bronze Medalist Aira Villegas an kadugangan pa nga P2 million cash incentives tikang ha Provincial Government han Leyte mahuman an ginbuhat hini nga courtesy call ngan mini-tribute program ha Provincial Capitol.
Sumala kan Hon. Carlo Loreto, Board Member han 5th District of Leyte, nga ini nga incentive in hatag dire la para han pagpakita ni Aira han iya kahusayan ha larangan hiton boksing pero an paghatag gihapon hin dungog ha probinsiya hiton Leyte ngan sugad man an insipirasyon ha mga atleta ngan ha bug-os nga nasud.
Dugang naman ni Hon. Loreto nga labot la kan Aira in nakakarawat gihapon hin cash reward an mga atleta ha Leyte nga nagpartisipar ha mga torneo nga nakakuha hin medalya mapa-internasyonal o nasyonal man.
Samtang, personal naman nga ginduhol an nasabi nga reward ni Leyte Governor Jericho Petilla kaupod an iba nga mga opisyal han provincial government kan Aira ngan ha iba pa nga mga atleta.
