TACLOBAN CITY – Nagpagawas hin kasinahon hi Tacloban City Mayor Alfred Romualdez kabahin ha nahitabo han Yolanda Housing Project ha syudad.
Sumala pa ha alkalde, binaboy ngan gin guba la han mga naglabay nga administrasyon an kahusay han norte pinaagi hin pag tindog hin mga balay nga diri maukyan hin tawo.
Han nakalabay nga administrasyon in gin talinguha han alkalde nga aruon ngan ipaturn-over ha lokal na pan gobyernohan han Tacloban an nasabi nga pabahay para aydon ngan matikangan na pag ukyi han mga benepisyaryo pero waray ini ig hatag ha iya.
Sumala kan Tacloban City Mayor Alfred Romualdez, nagpapasalamat hiya ha administrasyon ni Pres. Ferdinand ‘Bongbong’ Marcos, Jr., nga ugsa pa man mag election in nag download ini hin P170M ha City Government Unit hiton Tacloban para gamiton ha pagpapa-ayad han mga gin pabay-an nga mga pabahay ha norte.
Ha sobra 14,000 nga mga pabahay nga waray pa kagagamit, in subra katunga hini an kinahanglanon ipaayad agud maukyan hin mga tawo.
Dugang pa hini, usa ha nakakahatag hin kasinahon ha iya in an mga disenyo han mga balay nga tag0usa la iton kwarto kada balay nga nagigin hinungdan naman hin pagkakamay-ada hin mga kaso nga incest ha syudad.
Sumala pa hini, damo nga mga estudyante iton nagrereklamo nga diri nakakag istudyo hin tuhay mahitungod hiton ka aringasa nga naeksperyensyahan ha ira mga balay.
Gin tagan duon naman han alkalde nga waray hini gin sasayop ha nahinabo nga kapabayaan, kundi igigin malatumat la hini kun ano an nahinabo han mga nakalabay nga administrasyon nga rason naman kun kay ano waray pa ka tuturnover an nasabi nga mga pabahay ha mga recipients.
Sugad man, malipayon ini nga nag download hin dako nga kantidad an presidente agud matagan hin solusyon ini nga problema han syudad. (via Bombo Niña Magpili)
