NATIONAL NEWS– Ginpapa-imbestigaran han mga Kongresista an ada ha P15.5 bilyon nga advance payment nga ginbayad hiton Philippine Health Insurance Corporation (PhilHealth) ha mga ospital ha ilarom ine han kontrobersyal nga Interim Reimbursement Mechanism (IRM) program.
Ha gindumara nga hearing han House Commitee on Appropriations, napaghisgutan han mga kongresista an legalidad ngan pagigin transparent han IRM program, nga ginpatuman han Duterte administration.
Sumala kan Gabriela Party-list Rep. Arlene Brosas, mayda mga alegasyon nga nagresulta la nga nahingadto ha mga bursa han mga abusado nga opisyal an pondo nga ginpagawas hiton PhilHealth.
Ginsukna gihapon ni Brosas, an pagigin iresponsable han mga tinaglawas han PhilHealth nga batunon an tanan nga mga pamakiana kasumpay ha programa nga ginpatuman han nakalabay nga administrasyon.
Ginkwestyon gihapon ni House Deputy Majority Leader ngan Iloilo 1st District Rep. Janette Garin, an legalidad han paggamit hiton pondo han PhilHealth para magin kapital han mga pribado nga ospital magin iton ospital han gobyerno.
