NATIONAL NEWS- Usa nga lawmaker an nagpahayag nga P13 billion tikang ha P60 billion nga pondo an iginbalik na tikang ha Philippine Health Insurance Corp. (PhilHealth) hadton 2024 nga gingagamit kumo counterpart financing para ha mga Foreign-Assisted Projects (FAPs).
Ha syahan nga adlaw han deliberasyon han bicameral conference committee, iginpaangbit ni Bataan Rep. Albert Garcia a breakdown kun diin nahingadto an pondo.
Sumala kan Garcia, an pinakadako nga parte han salapi nga maabot ha (P27.45 billion) in gingamit agud nga bayaran an benepisyo ngan allowance para ha mga healthcare ngan non-healthcare workers hadton panahon han COVID-19 pandemic.
Ginpaangbit gihapon an P10 billion nga para ha kontrobersyal nga medical assistance program han Department of Health (DOH) para ha mga indigent nga pasyente.
Mababaruan nga ginsukna ni Sen. Imee Marcos an P13 billion nga nakatalaan unta para ha FAPs, ngan ginpakiana kun kay-anu an pondo para ha panlawas in gingamint ha mga proyekto nga waray kalabutahn ha panlawas han mga Pilipino.
Naghangyo naman hi Marcos hin detalyado nga report tikang ha PhilHealth ngan dagmitan an pagpapahalawig han mga benepisyo sugad han zero-balance billing ngan coverage para ha mga critical na nga pasyente.
Kumo baton, ginpahayag ni Garcia nga hahangyuon nira ha PhilHealth nga maghatag hin as detalyado nga breakdown ngan siguraduhon nga nagsusunod ine ha desisyon han Korte Suprema kasumpay ha nasabi nga mga pondo.
