-- Advertisements --
TACLOBAN CITY– Maabot ha P1,260,000 an ginbabana-bana nga ginbayaan nga danyos han nasunog nga eskwelahan han Pawing National High School.
Kalakip ha mga nasunog an classroom han Grade 7 ngan Gradr 9, sugadman an Faculty room.
Gin-isa naman ha ika-duha nga alarma an nasabi nga sunog.
Subay ha pakikighimangraw han Bombo Radyo Tacloban kan FSINSP Beneficio Virtudazo, Palo Fire Marshal, waray naman may nasamaran ha nasabi nga sunog.
Ginpaangbit pa hine nga usa ha ira ginkikita nga rason han kasunog in matungod han electrical conflict.
Hapagkayana, nagdudumara pa hira hin mahugot nga imbestigasyon agud mahibaruan an tinuod nga rason han sunog.
