-- Advertisements --
TACLOBAN CITY – Ginduduso han mga drivers ngan operators an umento nga P12 nga pasahe han MCH ha public hearing nga natabo ka kulop na adlaw.
An public hearing in usa nga requirement san-o igpatuman an pag-umento han pasahi han mga pambuliko nga sarakyan.
Sumala kan Atty. Jerry Uy, City Councilor han Tacloban City, paghitaas han presyo han gasolina, pagmahal han mga spare parts han sarakyan, ngan trapik ha syudad an pira han mga duduon nga rason hadton mga nagduduso han P12 nga increase han pasahe.
Dugang pa hine, dire basta-basta nga igpapatuman an P12 nga increase han pasahe, ine in kinahanglan anay tagan hin kaangayan nga rason hadton mga nagduduso hine nga balaodnon.
