TACLOBAN CITY- Maabot ha P1.2M nga kantidad an gin-alutaga kumo livelihood program han Department of Labor & Employment Regional Office Vlll, para ha syudad han Catbalogan City.
An nasabi nga pondo in para ha 40 nga mga benepisyaryo nga kag-anak han mga Child labourers ha nasabi nga syudad.
Sumala kan Department of Labor & Employment Regional Office Vlll, Information Officer, Norma Rae Costimiano, an opisina han DOLE, in nagdudumara hin profiling ha bug-os nga rehiyon, agud nga masara adton mga bungto nga mayda hitaas an ihap han mga Child labourers.
Panuyo hine in agud nga mapahamubo an ihap han mga kabataan nga sayo nga nagtratrabaho para makabulig ha ira kag-anak.
Sanglit nga nagbug-os hin inisyatiba an buhatan hiton DOLE nga makabulig ha mga kabataan nga dire na magtrabaho, lugod in sumulod an mga ine ha eskwelahan.
Mababaruan, nga an Samar in mayda 1,600 nga ihap hiton mga child laborers an nahi-record han ira buhatan.
Padayon gihapon an ira ginhihimo nga monitoring ngan profiling ha pira nga mga LGU’s ha rehiyon agud nga mahibaruan an ihap han mga kabataan nga nagtratrabaho na ha sayo nga pangidaron.
