NATIONAL – Gin depensaran han Office of the Solicitor General (OSG) an pagbabalhin han sobra nga sobra han Philippine Health Insurance Corporation (PhilHealth) ha national treasury.
Ha oral argument kakulop nga adlaw, ginmalatumat han Office of the Solicitor General ha Korte Suprema nga imbes nga humuram hin kwarta agud pondohan an mga importante nga programa han gobyerno, partikular na an mga proyekto panlawas ngan panlipunan, gin pili han lehislatura an mga magagamit nga pondo nga dire “nagagamit hin produktibo.”
Ha paghuhuman han Pebrero 2024, ada ha P15.18 trilyon na an utang han gobyerno, karuyag sidngon, ha 114 milyon nga populasyon yana nga 2025, kada Pilipino, anuman an edad, in mayda utang nga P139,000 kada usa.
Dugang pa hine, gintudlok daw han Kongreso nga usa ha mga respondent an fund balance han mga korporasyon han gobyerno kumo pagtitikangan han kadugangan nga pondo agud batunon an Unprogrammed Appropriations.
An mga petisyon kontra ha pagbabalhin han sobra nga pondo han PhilHealth in igin salawad han mga grupo nira Sen. Aquilino Pimentel III, Bayan Muna Chairperson Neri Colmenares, ngan 1SAMBAYAN Coalition kaupod an mga miyembro han University of the Philippines Law Class 1975, Senior for Seniors Association, Inc. , Kidney Foundation of the Philippines, ngan iba pa nga pribado nga indibidwal.
Gin ngaran nga respondente ha mga petisyon hin hira Department of Finance (DOF) Secretary Ralph G. Recto, an House of Representatives nga ginmamanguluhan ni Speaker Ferdinand Martin Romualdez, an Senado nga ginmamanguluhan ni Senate President Francis Chiz Escudero, Executive Secretary Lucas P. Bersamin, ngan PhilHealth nga ginmamanguluhan ni Emmanuel Ledesma Jr.
