TACLOBAN CITY – Aprubado an ordinansa nga naghahatag hin prangkisa ha mga Motorcab-for-Hire (MCH) drivers ha norte Tacloban.
An Motorcab-for-Hire (MCH) Franchise Ordinances in gin preparar ngan gin organisa ni Tacloban City Councilor and Committee on Transportation Chairman, Hon. Leo Bahin.
Sumala kan Bahin, damo ngan maiha na nga mga kolurom an mga MCH drivers nga nabiyahe ha norte Tacloban nga dapit mahitungod nga waray an mga ine business permits ngan prangkisa.
Sanglit, dida han paglingkod niya ha pwesto dida han 2019 in nagtikang daw hiya pagbisita ha mga MCH drivers ha norte Tacloban ngan ginpapagtirok an mga ine han mga rekisitos agud ma-validate ngan para matagan hin prangkisa.
Ha gindumara nga ika-99 nga sesyon han Sanggunian han syudad dida han Hwebes, Mayo 29, naaprubahan na an 10 nga ordinansa nga nagre-regulate han operasyon ngan naghahatag hin lehislatibo nga prangkisa ha mga kwalipikado nga MCH drivers ngan operators.
An nasabi nga mga TODA nga naaprubahan an ordinansa ha konseho in an masunod:
- • CAMTODA (Camansihay Transport Operators and Drivers Association)
- • DPTWA (CRS Dreamville Public Transport Workers Association)
- • GG TODA (Greendale Guadalupe Transport Operators and Drivers Association)
- • NEKATDA (New Kawayan Transport Operators and Drivers Association)
- • NOTACTODA (Northern Tacloban Transport Operators and Drivers Association)
- • RIMOPEDA (Ridgeview Motor and Pedicab Drivers Association)
- • SSF TODA (Suhi Saint Francis Tricycle Operators Driver’s Association)
- • BSEODA (Brgy. Sta. Elena Operators and Driver’s Association)
- • TITODA (Tigbao Tricycle Operators and Driver’s Association)
- • BAGACAY TODA (Bagacay Transport Operators and Drivers Association)
Nagpasalamat naman hi Bahin ha nagin kooperasyon, suporta, ngan presensya han nasabi nga mga TODAs.
