TACLOBAN CITY – Naging mahimyang ngan malinampuson an pagtitikang han klase ha bug-os nga rehiyon ka kulop nga adlaw ha pag-aabre han School Year 2022-2023.
Sumala kan Dr. Mariza Magan, Schools Division Superintendent han Tacloban City DEPED Division, naging hapsay an pagtitikang han klase pinaagi na gihapon han bulig han mga otoridad sugadman education stakeholders.
Dugang pa hini nga yana nga semana in magdudumara hira hin psychosocial activities ngan orientation para ha mga estudyante agud nga matutduan an mga ini ha kun ano an ira angay nga buhaton ha eskwelahan labi na ha pagsulod-gawas ha ira mga classrooms ngan ha kada breaktime han mga ini.
Nahibaruan nga tanan han mga eskwelahan ha Tacloban in nakapag-abre han klase ka kulop nga adlaw pinaagi han limited face to face classes.
