TACLOBAN CITY- Nagpatuman hin asynchronous class an Eastern Visayas State University EVSU main campus, partikular na an klase han High School ha nasabi nga eskwelahan.
Sumala kan Jenette Ruedas, Information Officer Eastern Visayas State University, an pagpatuman han nasabi nga asynchronous class, in matungod ha nakumpirma nga kaso han Hand, Foot, and Mouth Disease (HFMD) ha Secondary Laboratory School (SLS).
An mao nga pitad in kumo precautionary measure, agud nga dire na magsarang pa an nasabi nga virus.
Dugang pa ni Ruedas, gintikangan naman yana nga adlaw an disinfection ha nasabi nga pasilidad.
Samtang, ginmanduhan naman an mga non-teaching personnel nga magdumara gihapon hin sanitation ha ira tagsa-tagsa opisina.
Ha pagkyana gin-abisuhan la anay an tanan mga estudyante nga dire pumakadto ha nasabi nga campus, tinikangan yana nga adlaw kutob ha ika-10 han Oktubre.
